రోడ్డు మధ్యలో ఇదేం పనిరా బాబు (వీడియో)

దిశ, వెబ్‌డెస్క్: ప్రస్తుతం సోషల్ మీడియాలో రకరకాల వీడియోలు నిత్యం చూస్తూనే ఉంటాం. కొన్ని వీడియోలు ఆశ్యర్యం కలిగిస్తే మరికొన్ని వీడియోలు మాత్రం హాస్యాస్పదంగా ఉంటాయి. కానీ, ఇప్పుడు వైరల్‌గా మారిన ఇలాంటి వీడియోను మాత్రం మీరు ఎప్పుడు చూసి ఉండరు. సాధారణంగా పురుషులు హెయిర్‌కట్ బార్బర్ షాపులో చేయించుకుంటారు. లేదా ఇంట్లో వారే చేసుకుంటారు. కానీ, ఓ వ్యక్తి మాత్రం ఏకంగా వాహనాలతో రష్‌గా ఉన్న బ్రిడ్జిపై కటింగ్ చేయించుకుంటున్నాడు. అమెరికాలోని లాస్ ఏంజెల్స్‌లో ఓ వంతెనపై ఓ బార్బర్ ఓ వ్యక్తిని రోడ్ మధ్యలో కుర్చీలో కుర్చోబెట్టి తాపీగా హెయిర్‌కట్ చేస్తున్నాడు.

అతడి పక్క నుంచే వాహనాలు దూసుకెళ్తున్నా.. పట్టించుకోకుండా తన పనిలో నిమగ్నమయ్యాడు. దీనికి సంబంధించిన వీడియో సోషల్ మీడియాలో చక్కర్లు కొడుతుంది. అది చూసిన నెటిజన్లు రకరకాల కామెంట్లు, మీమ్స్‌ చేస్తూ హల్ చల్ చేస్తున్నారు.