ఏప్రిల్ 6 నుంచి లాసెట్​ దరఖాస్తులు

దిశ, తెలంగాణ బ్యూరో: లా సెట్‌, పీజీఎల్‌ సెట్‌ షెడ్యూల్‌ విడుదలైంది. ఈ నెల 6వ తేదీ నుంచి ఆన్‌లైన్‌లో దరఖాస్తులను స్వీకరించనున్నారు. లాసెట్​ దరఖాస్తులకు గాను ఎస్సీ, ఎస్టీ, దివ్యాంగులకు రూ. 500 ఫీజు ఉండగా, జనరల్​ అభ్యర్థులకు రూ.800 గా నిర్ణయించారు. పీజీఎల్ సెట్​కు జనరల్ అభ్యర్థులకు రూ.1000 ఉంటే, ఎస్సీ, ఎస్టీ, దివ్యాంగులకు రూ.800 గా నిర్ణయించారు. ఇదిలా ఉండగా జూన్‌ 6వ తేదీ వరకు ఆన్‌లైన్‌లో దరఖాస్తులు స్వీకరించనున్నట్లు ఉన్నత విద్యా మండలి చైర్మన్ ​లింబాద్రి శుక్రవారం ఒక ప్రకటనలో పేర్కొన్నారు.

రూ.500 ఆలస్య రుసుముతో జూన్​ 6వ తేదీ వరకు, రూ.1000 ఆలస్య రుసుముతో జూలై 5వ తేదీ వరకు, రూ.2000 ఆలస్య రుసుముతో జూలై 12వ తేదీ వరకు దరఖాస్తులు స్వీకరించనున్నారు. దరఖాస్తులో తప్పొప్పుల సవరణకు జూలై 5 నుంచి 12వ తేదీ వరకు అధికారులు అవకాశం కల్పించారు. మూడేళ్ల లాసెట్​కోర్సు ప్రవేశ పరీక్షను జూలై 21వ తేదీన, ఐదేళ్ల లాసెట్, పీజీఎల్​సెట్​కోర్సు ప్రవేశాలకు జూలై 22వ తేదీన పరీక్ష నిర్వహించనున్నారు.