కిరణ్ అబ్బవరం కొత్త సినిమా అప్డేట్..

దిశ, వెబ్‌డెస్క్: టాలీవుడ్ యంగ్ హీరో కిరణ్ అబ్బవరం 'రాజావారు రాణివారు' సినిమాతో తెలుగు ఇండస్ట్రీకి ఎంట్రీ ఇచ్చాడు. ఆ తర్వాత 'ఎస్ఆర్ కళ్యాణ మండపం'తో మంచి సక్సెస్ అందుకున్నారు. ఇటీవల సమ్మతమే సినిమా మంచి విజయం సాధించడంతో మాంచి జోష్‌లో ఉన్నాడు. తాజాగా, కిరణ్ అబ్బవరం హీరోగా, శ్రీధర్ గాదె దర్శకత్వంలో మరో చిత్రం విడుదలకు సిద్ధమవుతోంది. 'నేను మీకు బాగా కావల్సినవాడిని' అనే ఆసక్తికర టైటిల్‌తో ప్రేక్షకుల ముందుకు రాబోతున్నారు.

ఈ సినిమాలో సంజనా ఆనంద్ కథానాయికగా నటిస్తోంది. ఈ చిత్ర షూటింగ్ శర వేగంగా జ‌రుపుకుంటోంది. అయితే, షూటింగ్ మొద‌లై నెల‌లు దాటుతున్నా అప్‌డేట్‌లు లేకపోవడంతో ఫ్యాన్స్‌కు నిరాశలో ఉన్నారు. ఈ నేపథ్యంలో చిత్రబృందం అభిమానులకు గుడ్ న్యూస్ తెలిసింది. ఈ సినిమా టీజర్‌ను జూలై 10న 11.05 నిమిషాలకు విడుదల చేయనున్నట్లు ట్విట్టర్ వేదికగా ప్రకటించింది. దాంతోపాటు ఓ పోస్టర్‌ను కూడా షేర్ చేశారు.