'వినరో భాగ్యము విష్ణు కథ'.. అబ్బవరం కొత్త మూవీ

దిశ, సినిమా : హిట్, ఫ్లాప్స్‌తో సంబంధం లేకుండా యంగ్ హీరో కిరణ్ అబ్బవరం వరుస సినిమాలకు పచ్చ జెండా ఊపుతున్నాడు. 'రాజా వారు రాణి గారు' చిత్రంతో టాలీవుడ్‌కు ఎంట్రీ ఇచ్చిన కిరణ్.. 'ఎస్‌ఆర్ కళ్యాణమండపం' మూవీతో మంచి పేరు తెచ్చుకున్నాడు. ఇటీవల 'సమ్మతమే' సినిమాతో మిక్స్‌డ్ రిజల్ట్ సొంతం చేసుకున్న హీరో మరో రెండు కొత్త చిత్రాలతో అలరించేందుకు రెడీ అవుతున్నాడు.

గతంలో కిరణ్ 'వినరో భాగ్యము విష్ణు కథ' పేరుతో ఓ సినిమాకు శ్రీకారం చుట్టగా.. మురళి కిషోర్ అబ్బూరి దర్శకత్వం వహించనున్నాడు. ఎప్పుడో పూజా కార్యక్రమాలు పూర్తి చేసుకున్న ఈ సినిమాకు సంబంధించి ఈ రోజు(బుధవారం) సాయంత్రం 5 గంటలకు అప్‌డేట్ ఇస్తున్నట్లు మేకర్స్ ప్రకటించారు. ఈ మేరకు టైటిల్ పోస్టర్‌ను రిలీజ్ చేశారు.