అమ్మాయిల‌తో క‌లిసి టీచ‌ర్ డ్యాన్స్‌.. హాటా, స్వీటా.. మీరే తేల్చండి! (వీడియో)

దిశ‌, వెబ్‌డెస్క్ః అది ఏదైనా కావ‌చ్చు, గురుః దేవోభ‌వ‌! అనుకోపోతే ఏ నైపుణ్యం నేర్చుకోలేము. చాలా మంది బ‌ళ్లో ఫంక్ష‌న్ల‌కు టీచ‌ర్లతో పాటు డ్యాన్స్ ప్రాక్టీస్ చేసుంటారు. ఆ అనుభ‌వం అందమైన జ్ఞాప‌కంగా, అనుభ‌వంగా మిగిలిపోతుంది. ఇలాగే, ఢిల్లీలోని ఒక ప్రభుత్వ పాఠశాలలో విద్యార్థులు 1968 నాటి చిత్రం కిస్మత్‌లోని 'కజ్రా మొహబ్బత్ వాలా' అనే క్లాసిక్ పాటకు త‌మ టీచ‌ర్‌తో క‌లిసి డ్యాన్స్ ప్రాక్టీస్ చేస్తుంటారు. అయితే, టీచ‌ర్ ఎంతో అద్భుతంగా, అంత‌కుమించిన అందంగా త‌మ విద్యార్థుల‌తో క‌లిసి డ్యాన్స్ చేస్తుంటారు. ఈ వీడియోను మను గులాటి అనే టీచ‌ర్‌ ట్విట్టర్‌లో పోస్ట్ చేశారు. ఇటీవ‌ల వేసవి శిబిరం చివరి రోజున ఖాళీ తరగతి గదిలో ఇది రికార్డ్ చేసిన‌ట్లు పేర్కొన్నారు. ఈ వీడియోలో ఒకరి తర్వాత ఒకరు అమ్మాయిలంతా పాటకు డ్యాన్స్ మూవ్స్ చేసుకుంటూ వ‌చ్చిన త‌ర్వాత, వారి మ‌ధ్య‌లో నుండి అందమైన పింక్ సూట్ ధరించి ఉన్న టీచర్ కూడా కనిపిస్తారు. త‌ర్వాత‌, అందరూ కలిసి సంతోషంగా పాట్‌ బీట్‌కు నృత్యం చేస్తారు. ఇంట‌ర్నెట్‌లో ఈ వీడియో వైర‌ల్ అవుతోంది. డ్యాన్స్ అదుర్స్ అంటూ నెటిజ‌నులు కామెంట్ చేస్తున్నారు. స్వీట్‌గా ఉందంటూ చ‌ప్ప‌ట్లు కొడుతున్నారు. మీరూ చూడండి..!