Prabhas: ప్రభాస్‌కు ఊహించని షాకిచ్చిన జూబ్లీహిల్స్‌ పోలీసులు..

దిశ, వెబ్‌డెస్క్: ట్రాఫిక్ రూల్స్ విషయంలో ఈ మధ్య తెలంగాణ పోలీసులు కఠినంగా వ్యవహారిస్తున్నారు. ఇటీవల సినీ నటులు నాగచైతన్య, ఎన్టీఆర్, కళ్యాణ్ రామ్, మంచు మనోజ్ వంటి హీరోల కార్ల అద్దాలకు బ్లాక్ ఫిల్మ్‌లు ఉండటంతో భారీగా జరిమానాలు విధించిన విషయం తెలిసిందే. తాజాగా.. పాన్ ఇండియా స్టార్ ప్రభాస్‌కు అనూహ్య షాకిచ్చారు. జూబ్లీ‌హిల్స్ రోడ్ నెం36లోని నీరూస్ కూడలి వద్ద ప్రభాస్ కారుకు ట్రాఫిక్ పోలీసులు జరిమానా విధించారు. కారుకు నెంబర్ సరిగా లేకపోవడం, ఎంపీ స్టిక్కర్ ఉండటం, బ్లాక్ ఫ్రేమ్ వంటి నిబంధనలు ఉల్లంగించడంతో రూ.1450 ఫైన్ వేసినట్లు పోలీసులు తెలిపారు. ఈ సమయంలో కారులో ప్రభాస్ లేరని సమాచారం.