జగన్ ముందు 'హీరోలంతా జీరోలే'.. ఆర్‌జీ‌వీ

దిశ, సినిమా : ఏపీలో టికెట్ ధరల వ్యవహారం‌పై టాలీవుడ్ హీరోలను ఉద్ధేశిస్తూ రామ్‌గోపాల్ వర్మ ట్వీట్ల వర్షం కురిపిస్తూనే ఉన్నాడు. ఇటీవలే సీఎం జగన్‌తో సినీ పెద్దల మీటింగ్‌ను 'మెగా బెగ్గింగ్'తో పోలుస్తూ మాటల దాడికి దిగిన వర్మ.. 'రియల్ మెగా సూపర్ డూపర్ ఒమెగా స్టార్ జగనే' అంటూ తాజాగా మరోసారి ట్వీట్ చేశాడు. అంతేకాదు మహేష్ బాబు, చిరంజీవి, ప్రభాస్ తదితరులు ఒమెగా స్టార్ జగన్ చుట్టూ జూనియర్ ఆర్టిస్టుల్లా కూర్చోవడమే ఇందుకు ఉదాహరణ అంటూ ఎద్దేవా చేశాడు. మహేష్, చిరు, ప్రభాస్ రీల్ ఫిల్మ్‌లో పంచ్ డైలాగులు కొడుతుంటారని.. కానీ రియల్ లైఫ్‌లో ఫ్రేమ్ మధ్యన జగన్ ఉన్నారని అన్నారు. వారంతా జగన్‌ను చూసి భయపడ్డారని, భిక్ష కోసం జూనియర్ ఆర్టిస్టుల్లా అడుక్కున్నారని వివాదాస్పద వ్యాఖ్యలు చేశాడు. ఫైనల్‌గా ముఖ్యమంత్రి, ఒమెగా స్టార్ జగన్‌ను చూసి ఆశ్చర్యపోయానన్న వర్మ.. ఆయన 'హీరోలంతా జీరోలే' అని ఆయన నిరూపించాడంటూ సినీ స్టార్లను కించపరిచారు.

In a REEL film @urstrulyMahesh , @KChiruTweets #Prabhas etc in centre of frame give punch dialogues and in REAL LIFE ,@ysjagan in centre of frame and they scared and BEGGING like junior artistes for BIKSHA 😳 @ysjagan exposed UPPER of the UNDER of stars https://t.co/NnPoEVmWPq