మెగాస్టార్‌ ఫ్యాన్స్‌కు గుడ్‌న్యూస్.. 'మెగా154' నుంచి బిగ్ అప్‌డేట్

దిశ, వెబ్‌డెస్క్: మెగాస్టార్ చిరంజీవి ప్రస్తుతం వరుస సినిమాలతో దూసుకెళ్తున్నారు. కుర్ర డైరెక్టర్లకు అవకాశాలిస్తూ పెద్ద మనసు చాటుకుంటున్నారు. ఇటీవల మెగాస్టార్-కొరటాల శివ దర్శకత్వంలో వచ్చిన 'ఆచార్య' చిత్రం అనుకున్న స్థాయిలో ఆడకపోయే సరికి చిరు కాస్త నిరాశలో ఉన్నారు. ఈ క్రమంలో తన తదుపరి చిత్రాల విషయంలో ఆచితూచీ అడుగులు వేస్తున్నారు.

ప్రస్తుతం డైరెక్టర్ బాబీ దర్శకత్వంలో ఓ సినిమా చేస్తున్నారు. 'మెగా 154'అనే వర్కింగ్ టైటిల్‌తో షూటింగ్‌ను శరవేగంగా పూర్తి చేస్తున్నారు. ఈ మూవీ నుంచి ఇప్పటికే విడుదలైన పోస్టర్‌కు అభిమానుల నుంచి అదిరిపోయే రెస్పాన్స్ వచ్చింది. తాజాగా.. మెగా ఫ్యాన్స్‌ హర్షం వ్యక్తం చేసేలా చిత్ర బృందం మరో బిగ్ అప్డేట్ ఇచ్చింది. ఈ సినిమా వచ్చే సంక్రాంతికి రిలీజ్ చేస్తునట్టు ట్విట్టర్ వేదికగా ప్రకటించింది. దీంతోపాటు ఓ పోస్టర్‌ను విడుదల చేసింది. అది చూసిన మెగా ఫ్యాన్స్ ఫుల్ ఖుషీ అవుతున్నారు.