దిశ, చౌట్కూర్: సంగారెడ్డి జిల్లా చౌట్కూర్ మండల పరిధిలోని కోర్పోల్ గ్రామంలో గత రెండు రోజులుగా వింత వ్యాధితో మేకలు, గొర్రెలు చనిపోతున్నాయి. ఈ విషయాన్ని పశువుల వైద్య అధికారులకు తెలిపినప్పటికి ఇప్పటివరకు రాకపోవడం గమనార్హం. ఫోన్ చేస్తే బిజీగా ఉన్నామని నిర్లక్ష్యంగా సమాధానం ఇస్తున్నారు. పశువైద్యాధికారుల నిర్లక్ష్యంతో ఇప్పటివరకు గ్రామానికి చెందిన పొట్టి సత్యనారాయణ కు చెందిన 7 మేకలు, జగ్గంపేట చెన్నయ్య కి చెందిన 4 గొర్రెలు మృతి చెందడం జరిగింది. అధికారులు ఇలాగే వ్యవహరిస్తే ఇంకా మేకలు, గొర్రెలు మృత్యువాత పడే అవకాశం లేకపోలేదని, నిర్లక్ష్యంగా వ్యవహరించిన పశువైద్యాధికారులపై చర్యలు తీసుకోవాలని గ్రామస్తులు ఆరోపిస్తున్నారు. ప్రభుత్వం వెంటనే స్పందించి తమను ఆదుకోవాలని మేకలు, గొర్రెల యజమానులు కోరుతున్నారు.