19 అంగుళాల చెవులతో మేకపిల్ల.. ఆకట్టుకుంటున్న వీడియో

దిశ, వెబ్‌డెస్క్: సాధారణంగా ఎవరికైనా కొంచెం పెద్ద చెవులు ఉంటే చాలు వీడివి ఏనుగు చెవులురా అని అందరూ అంటుంటారు. కానీ, మేకలకు పెద్ద చెవులు ఉండటం ఎక్కడైనా చూసారా, కనీసం విన్నారా? ఇటీవల పాకిస్థాన్ లో ఓ మేకపిల్ల భారీ చెవులతో పుట్టి ఏనుగుతోనే పోటీ పడుతోంది.

వివరాల్లోకి వెళితే కరాచీలోని ఓ రైతు ఇంట్లో ఏకంగా 19 అంగుళాల చెవులతో మేకపిల్ల పుట్టింది. అది పుట్టిన దగ్గర నుంచి దాని చెవులను చూసి ఆ రైతు ఆశ్చర్యపోతూనే ఉన్నాడు. ఎందుకంటే ఆ మేకపిల్ల కంటే దాని చెవులే పెద్దగా ఉన్నాయట. దానికి సంబంధించిన ఓ వీడియో సోషల్ మీడియాలో చక్కర్లు కొడుతుంది. దానికి 'సింబా' అనే పేరుపెట్టారట. ఈ మేకపిల్ల త్వరలోనే గిన్నీస్ బుక్ రికార్డులోకి ఎక్కబోతుందట. సాధారణంగా నుబియన్ జాతికి చెందిన మేకల చెవులు పొడుగ్గా ఉంటాయట..కానీ'సింబా'చెవులు అంతకంటే పొడవుగా ఉన్నాయని నిపుణులు అంటున్నారు.