'గార్గి' మూవీ రిలీజ్ డేట్స్ ఫిక్స్..

దిశ, వెబ్‌డెస్క్: హీరోయిన్‌ సాయిపల్లవి గురించి ప్రత్యేకంగా పరిచయం చేయాల్సిన పనిలేదు. ఇండస్ట్రీకి వచ్చిన అనతి కాలంలోనే స్టార్ హీరోయిన్‌గా ఎదిగిన ఆమె అందంతో పాటు అభినయంతోనూ ఎంతో మంది అభిమానాన్ని సొంతం చేసుకుంది భామ. ఇటీవల విరాటపర్వం సినిమాతో ప్రేక్షకుల్లో మంచి క్రేజ్ సంపాదించుకుంది. ప్రస్తుతం వరుస సినిమాలు చేస్తూ దూసుకెళ్తుంది. తాజాగా, గౌతమ్ రామచంద్రన్ దర్శకత్వంలో, సాయిపల్లవి ప్రధాన పాత్రలో నటిస్తున్న చిత్రం 'గార్గి'.

ఈ మూవీ నుంచి ఇప్పటికే విడుదలైన పోస్టర్స్, మేకింగ్ వీడియోలు అభిమానుల్లో మంచి రెస్పాన్స్‌ను దక్కించుకున్నాయి. ఈ చిత్రాన్ని తమిళంలో 2డీ ఎంటర్‌టైన్‌మెంట్స్‌ బ్యానర్‌పై కోలీవుడ్ స్టార్‌ హీరో సూర్య, జ్యోతిక విడుదల చేస్తున్నారు. తమిళంతో పాటు తెలుగు, కన్నడ భాషల్లో రానుంది. అయితే ఈ సినిమా జూలై 15న విడుదల చేయబోతున్నట్లు తెలిపారు. ఈ విషయాన్ని స్వయంగా సాయి పల్లవి ట్విట్టర్ ద్వారా అనౌన్స్ చేస్తూ ఓ పోస్టర్‌ను కూడా షేర్ చేసింది. అది చూసిన ఫ్యాన్స్ ఫుల్ ఖుషీ అవుతున్నారు.