దిశ, తిరుమలాయపాలెం: మండల పరిధిలోని పాతర్లపాడు గ్రామానికి చెందిన గుండ్లపల్లి శ్రీనివాస్(47)అనే వ్యక్తి ఆత్మహత్యకు పాల్పడ్డాడు. మద్యానికి బానిసైన శ్రీనివాస్.. తాగిన మైకంలో ఇంట్లో ఎవరూలేని సమయంలో శనివారం ఉరి వేసుకొని మరణించాడు. ఈ మేరకు సమాచారం అందుకున్న పోలీసులు ఘటనాస్థలానికి చేరుకొని శ్రీనివాస్ మృతదేహాన్ని పోస్టుమార్టం కోసం ఖమ్మం ఆస్పత్రికి తరలించారు. మృతుడి భార్య ఇచ్చిన ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్‌ఐ గిరిధర్ రెడ్డి తెలిపారు.