Bigg Boss 8: ఈ వారం నామినేషన్స్ లో ఎవరెవరు ఉన్నారో తెలుసా?

దిశ, వెబ్ డెస్క్ :  బిగ్‌బాస్ తెలుగు సీజ‌న్ 8 ( Bigg Boss 8 ) రసవత్తరంగా సాగుతోంది. ఈ సీజన్ ఇప్పటికి  తొమ్మిది వారాలు పూర్తి అయ్యాయి. ఇప్పటికీ తొమ్మిది మంది ఎలిమినేట్ అయ్యారు. ఇక, ఎప్ప‌టిలాగానే ఈ వారం నామినేష‌న్స్ ప్ర‌క్రియ‌ జ‌రిగింది. ఎప్పటిలాగా కాకుండా, ఈ సారి ఒక్క కంటెస్టెంట్ ఒక‌రినే నామినేట్ చేయాల‌ని బిగ్‌బాస్ సూచించాడు. అదే విధంగా, అవినాష్‌ను ఎవరు నామినేట్ చేయ‌డానికి వీలు లేద‌ని చెప్పాడు.

ఇక, నామినేష‌న్స్ లో గౌత‌మ్‌, నిఖిల్ ల మ‌ధ్య పెద్ద గొడవే జ‌రిగింది. వ‌ద్ద‌ని చెబుతున్నా య‌ష్మిని అక్కా అని పిలిచి చాలా ఇబ్బంది పెడుతున్నావు అంటూ గౌత‌మ్‌ను, నిఖిల్ నామినేట్ చేశాడు. అయిన య‌ష్మిని అక్కా అని పిలిస్తే త‌ప్పేంటి అని గౌత‌మ్ గట్టిగా అరిచాడు. ఆ తర్వాత య‌ష్మిని గౌత‌మ్ నామినేట్ చేశాడు.

గౌత‌మ్‌ని నిఖిల్‌, య‌ష్మిని గౌత‌మ్‌, గౌత‌మ్‌ని య‌ష్మి, పృథ్వీని టేస్టి తేజ‌, య‌ష్మిని గంగ‌వ్వ‌, రోహిణిని పృథ్వీ, ప్రేర‌ణ‌ని హ‌రితేజ‌, ప్రేర‌ణ‌ని విష్ణుప్రియ‌, య‌ష్మిని రోహిణి, విష్ణుప్రియ‌ని నబీల్‌, హ‌రితేజ‌ని ప్రేర‌ణ లు నామినేట్ చేశారు. ఈ వారం య‌ష్మి, ప్రేర‌ణ‌, హ‌రితేజ‌, గౌత‌మ్‌, విష్ణు ప్రియ‌ణ‌, రోహిణి, పృథ్వీలు నామినేష‌న్స్‌లో నిలిచారు.