'ఆదిపురుష్' రిలీజ్ డేట్ ఫిక్స్.. ఫుల్ జోష్‌లో ప్రభాస్ ఫ్యాన్స్

దిశ, సినిమా : ప్రభాస్ రాముడిగా రామాయణం ఆధారంగా దర్శకుడు ఓం రౌత్ తెర‌కెక్కిస్తున్న చిత్రం 'ఆదిపురుష్'. కృతి స‌న‌న్ సీత పాత్రలో న‌టిస్తున్న చిత్రంలో సైఫ్ అలీఖాన్ రావ‌ణుడిగా కనిపించనున్నారు. రూ. 500 కోట్ల భారీ బడ్జెట్‌తో నిర్మిస్తుండగా.. సాచేత్ ప‌రంప‌ర సంగీతం అందిస్తున్నారు. 2020 ఆగ‌స్టు 18న సినిమా ప్రక‌టించిన ఓం రౌత్.. 2021 ఫిబ్రవరి 2 నుంచి షూటింగ్ స్టార్ట్ చేసి న‌వంబ‌ర్‌ కల్లా పూర్తి చేశాడు. అప్పటి నుంచి గ్రాఫిక్స్, పోస్ట్ ప్రొడక్షన్ వర్క్ జరుపుకుంటున్న 'ఆదిపురుష్' రిలీజ్ డేట్ గురించి తాజాగా దర్శకుడు ఓం రౌత్ క్లారిటీ ఇచ్చాడు. 2023 జ‌న‌వ‌రి 12న‌ రిలీజ్ కానున్నట్లు రీసెంట్‌గా వెల్లడించారు. దీంతో ప్రభాస్ అభిమానులు ఫుల్ జోష్‌లో ఉన్నారు.