మరోసారి భారీగా పెరిగిన కరోనా కేసులు..?

దిశ, వెబ్‌డెస్క్: దేశంలో కరోనా కేసులు డైలీ పెరుగుతూనే ఉన్నాయి. గడిచిన 24 గంటల్లో భారత్‌లో 20,139 కొత్త కరోనా పాజిటివ్ కేసులు నమోదు కాగా.. 16,482 రికవరీ కేసులు నమోదైనట్లు ఆరోగ్య, కుటుంబ సంక్షేమ మంత్రిత్వ శాఖ తెలిపింది. ఈ నివేదిక ప్రకారం ప్రస్తుతం భారత్‌లో 1,36,076 యాక్టీవ్ కేసులు ఉన్నాయి. కొత్తగా 38 మంది మరణించగా ఇప్పటి వరకు కరోనాతో మృతి చెందిన వారి సంఖ్య 5,25,512 కి చేరుకుంది. గత రెండు రోజులుగా కాస్త తగ్గిన పాజిటివ్ కేసుల సంఖ్య మళ్లీ భారీ స్థాయిలో పెరిగి 20 వేల మార్కును దాటింది.