డ్యాన్స్ ఫ్లోర్‌లో ఇద్దరు మెగాస్టార్స్.. థ్రిల్ గ్యారంటీ!

దిశ, సినిమా : సూపర్ హిట్ మలయాళ చిత్రం 'లూసిఫర్'కు తెలుగు రీమేక్‌గా తెరకెక్కుతున్న చిత్రం 'గాడ్ ఫాదర్'. మెగాస్టార్ చిరంజీవి లీడ్ రోల్‌ పోషిస్తున్న ఈ చిత్ర అప్‌డేట్స్ అభిమానుల్లో అంచనాలు పెంచేస్తున్నాయి. ఇదిలా ఉంటే.. బాలీవుడ్ నటుడు సల్మాన్ ఖాన్ ఈ సినిమాలో అతిథి పాత్రలో కనిపించనున్నారని కొంతకాలంగా వార్తలు వినిపిస్తున్న సంగతి తెలిసిందే. దీంతో ఇద్దరు మెగాస్టార్స్‌ను ఒకే ఫ్రేమ్‌లో చూసేందుకు ఫ్యాన్స్ ఈగర్‌గా వెయిట్ చేస్తున్నారు. ఈ క్రమంలోనే తాజాగా 'గాడ్‌ఫాదర్‌' చిత్రంలోని ఓ పాట కోసం సల్మాన్, చిరు కలిసి డ్యాన్స్ చేసేందుకు ఫ్లోర్‌పైకి వెళ్తుండగా.. వెనుక నుంచి క్లిక్ చేసిన చిత్రం తెగ వైరల్ అవుతోంది. ఇక ఈ సాంగ్‌కు ఇండియన్ మైకేల్ జాక్సన్ ప్రభుదేవా కొరియోగ్రఫీ అందిస్తుండటం విశేషం.