హుజూరాబాద్‌లో అర్ధరాత్రి ఏటీఎం చోరి..

దిశ, హుజూరాబాద్ రూరల్: హుజూరాబాద్ పట్టణంలోని బస్టాండ్ ప్రాంగణంలో గల ఓ ప్రైవేట్ బ్యాంక్ ఏటీఎమ్ ను బుధవారం అర్ధరాత్రి దుండగులు పగులగొట్టినట్లు సమాచారం. స్థానికుల వివరాల ప్రకారం బస్టాండ్ లోని సీసీ కెమెరాను పక్కకు తిప్పి అందులో ఉన్న నగదును ఎత్తుకెళ్లినట్లు తెలిపారు.

ఏటీఎం లో ఎలాంటి సీసీ కెమెరాలు లేకపోవడంతో దుండగులకు సులువుగా ఏటీఎంలు దోచుకున్నట్లు వారు చెప్పారు. ఈ విషయం తెలుసుకున్న పట్టణ సిఐ శ్రీనివాస్ సంఘటన స్థలానికి చేరుకొని దుండగులు పడగొట్టిన ఏటీఎంను పరిశీలించి, కేసు నమోదు చేసుకొని దర్యాప్తు చేస్తునట్టు పోలీసులు తెలిపారు.