పాలకుర్తిలో ఎర్రబెల్లికి ఓటమి ఖాయమైంది : యశస్విని రెడ్డి

దిశ, పాలకుర్తి : పాలకుర్తి నియోజకవర్గ కాంగ్రెస్ పార్టీ అభ్యర్థి మామిడాల యశస్విని రెడ్డి ప్రచారంలో దూసుకెళుతున్నారు. సోమవారం పాలకుర్తి మండలంలోని అయ్యంగారి పల్లి లో ఎన్నికల ప్రచారం నిర్వహించగా గ్రామం జనసంద్రంగా మారింది. ఈ సందర్భంగా యశస్విని రెడ్డి మాట్లాడుతూ వచ్చేది కాంగ్రెస్ ప్రభుత్వమేనని పాలకుర్తిలో ఎర్రబెల్లికి ఓటమి ఖాయం అయిందని స్పష్టం చేశారు. పాలకుర్తి నియోజకవర్గంలో నిరుద్యోగం రాజ్యమేలుతుందని అన్నారు. యువకులకు ఉపాధి అవకాశాలు కల్పించే ప్రజాప్రతినిధులు స్వలాభం కోసం పాకులాడటం ఇందుకు నిదర్శమని అన్నారు.

కాంగ్రెస్ పార్టీ అధికారంలోకి రాగానే పాలకుర్తి నియోజకవర్గంలో పరిశ్రమలు ఏర్పాటు చేసి నిరుద్యోగ యువతకు ఉపాధి అవకాశాలు కల్పిస్తానని స్పష్టం చేశారు. ఈ అవినీతి బీఆర్ఎస్ పార్టీని, దగాకోర్ దయాకర్ రావును ఇంటికి పంపాలని ప్రతి ఒక్కరు చేతి గుర్తు కి ఓటు వేసి ఆశీర్వదించాలని ప్రజలకు విజ్ఞప్తి చేశారు. కాంగ్రెస్ పార్టీ అధికారంలోకి రాగానే ఆరు గ్యారెంటీలను అమలు చేస్తామని స్పష్టం చేశారు. మార్పు మొదలైందని ఎర్రబెల్లి ఎన్ని కుట్రలు చేసినా ఓటమి తధ్యమని స్పష్టం చేశారు. ఈ కార్యక్రమంలో ఆయా గ్రామాల పార్టీ అధ్యక్షులు మండల ముఖ్య నాయకులు తదితరులు పాల్గొన్నారు.