మరిపెడ మండలం బురాన్ పురంలో దొంగతనం..

దిశ, మరిపెడ : మహబూబాబాద్ జిల్లా మరిపెడ మండలంలోని బురాన్ పురం గ్రామంలో పెద్ద బోయిన ఐలమల్లు ఇంట్లో చోరీ జరిగింది. బాధిత కుటుంబ సభ్యులు తెలిపిన వివరాల ప్రకారం ఇంట్లో ఎవరూ లేని సమయంలో గుర్తు తెలియని వాళ్ళు బీరువా పగలగొట్టి అందులో 8 తులాల బంగారు హారం,ఐదు వేల రూపాయల నగదు ఎత్తుకెళ్లారని స్థానిక పోలీస్ స్టేషన్లో ఫిర్యాదు చేసినట్లు బాధితులు తెలిపారు. సమాచారం అందుకున్న సర్కిల్ సీఐ రాజు,ఎస్సై సతీష్ లు క్లూస్ టీం తో హుటాహుటిన సంఘటన స్థలానికి చేరుకొని ఆధారాలు సేకరిస్తున్నారు.