సర్దార్ పాపన్న వరంగల్ జిల్లా వాసి కావడం గర్వకారణం: కలెక్టర్ పి ప్రావీణ్య

దిశ, వరంగల్ కలెక్టరేట్: స్వాతంత్య్ర సమరయోధుడు సర్దార్ పాపన్న గౌడ్ వరంగల్ జిల్లా వాసి కావడం మనందరికీ గర్వకారణమని  కలెక్టర్ పి ప్రావీణ్య అన్నారు. ఆదివారం కలెక్టర్ కార్యాలయ సమావేశ మందిరంలో సర్దార్ పాపన్న గౌడ్ 313 వ వర్ధంతి నిర్వహించారు. జ్యోతి ప్రజ్వలన చేసి సర్దార్ పాపన్న గౌడ్ చిత్రపటానికి పూలమాలలు వేసి శ్రద్ధాంజలి ఘటించారు.

ఈ సందర్భంగా కలెక్టర్ మాట్లాడుతూ.. దేశం పట్ల ఆయన అంకితభావాన్ని మనమందరం తప్పనిసరిగా స్మరించుకోవాలని తెలిపారు. ఈ కార్యక్రమంలో అదనపు కలెక్టర్ లోకల్ బాడీ అశ్విని తానాజీ వాకాడే, సంబంధిత గౌడ సంఘ నాయకులు రమేష్ గౌడ్, సుధాకర్, బొమ్మెర కుమార్ స్వామి, బీసీ సంక్షేమ అధికారి శంకర్ తదితరులు పాల్గొన్నారు.