విద్యుదాఘాతంతో ఇల్లు దగ్ధం (వీడియో)

దిశ, కొత్తగూడ: మండలంలోని దుర్గారం గ్రామానికి చెందిన దొబ్బేటి రమేష్ అనే వ్యక్తికి చెందిన ఇల్లు షార్ట్ సర్క్యూట్ తో మంటలు చెలరేగి ఇల్లు పూర్తిగా దగ్ధమైంది. వివరాలలోకి వెలితే దబ్బేటి రమేష్ భార్య రమ టీవీ చూస్తుండగా ఒక్కసారిగా షార్ట్ సర్క్యూట్ అయ్యి మంటలు చెలరేగడంతో కంగారుతో బయటికి పరుగులు తీసింది. చుట్టు పక్కన వారంతా మంటలు ఆర్పడానికి బిందెలతో నీళ్లు తీసుకొచ్చి అర్పే ప్రయత్నంలో ఇంట్లోని వంట గ్యాస్ పేలి మంటలు మరింత చెలరేగాయి. దీంతో ఇంట్లోని గృహాపకర వస్తువులతోపాటు నగదు, ద్విచక్ర వాహనం దగ్ధమయ్యాయి. పిల్లలు జగదీష్, మౌనిక ఇంటర్మీడియట్ సర్టిఫికెట్లు సైతం కాలి బూడిదయ్యాయన్నారు. దాదాపు రూ. ఆరు లక్షలకు పైనే ఆస్థి నష్టం వాటలిందని కన్నీరు మున్నీరయ్యారు. దాతలు, ప్రభుత్వం ఆదుకోవాలని గ్రామ ప్రజలు బాధితులు వేడుకుంటున్నారు. విషయం తెలుసుకున్న ఎమ్మెల్యే సీతక్క వెంటనే బాధితులతో ఫోన్ లో మాట్లాడింది. అన్ని విధాలుగా ఆదుకుంటానని వారికి మనో ధైర్యాన్ని ఇచ్చింది.