police : అవ్వకి అండగా నాలుగో సింహాలు..

దిశ, డోర్నకల్ : సారులు మారిన.. సాయం మాత్రం ఆగలేదు.. ఏ ఆధారం లేక ఒంటరిగా బిక్కుబిక్కుమంటూ కాలం వెళ్లదీస్తున్న అవ్వకు జిల్లా ఎస్పీ (పోలీస్ బాస్)సుధీర్ రామ్ నాథ్ కేకన్ ఆదెరువుగా నిలుస్తున్నారు. మహబూబాబాద్ జిల్లా డోర్నకల్ మండలం గొల్లచర్ల గ్రామానికి చెందిన సూరబోయిన రాములమ్మకు సీఐ రాజేష్ సోమవారం నిత్యావసర సరుకులు, బట్టలు అందజేశారు. వైద్య ఖర్చుల నిమిత్తం కొంత కష్టార్జితం అవ్వకు అందించి భరోసానిచ్చారు. గత జులైలో అప్పటి సీఐ ఉపేందర్ రావు నిత్యావసరాలు అందించారు. ఆపదొస్తే అండగా ఉంటామని హామీ ఇచ్చారు. సబ్ ఇన్స్పెక్టర్ వంశీధర్, సిబ్బంది ఉన్నారు.