Black magic : ఇంట్లో క్షుద్రపూజల కలకలం..భయాందోళనలో గ్రామస్తులు

దిశ, మరిపెడ : మహబూబాబాద్ జిల్లా చిన్న గూడూరు మండలంలోని ఉగ్గంపల్లి గ్రామంలో క్షుద్ర పూజల కలకలం రేపాయి. క్షుద్ర పూజలు చేసేవారు ఎక్కువ శాతం మూడు వీధులు కలిసే చోట క్షుద్ర పూజలు చేసిన ఘటనలను మనం చూస్తూనే ఉంటాం కానీ గురువారం అర్థ రాత్రి గుర్తు తెలియని వ్యక్తులు ఏకంగా ముత్యం రంజిత్ అనే వ్యక్తి ఇంట్లోనే క్షుద్రపూజలు చేయడం స్థానికంగా కలకలం రేపింది. కుటుంబ సభ్యులు ఈ రోజు (శుక్రవారం) తెల్లవారుజామున తలుపులు తీయడం తో ఒక్కసారిగా ఖంగు తిన్నారు.పసుపు ముగ్గు వేసి అందులో రెండు నిమ్మకాయలు పెట్టారు. వాటిపై వడ్ల గింజలు చల్లడం తో పాటు చిన్న రేకు ముక్కను సైతం అక్కడ వదిలి వెళ్లారు.ఇళ్లలోకి వచ్చి క్షుద్ర పూజలు చేస్తున్నారు అంటూ గ్రామస్తులు భయాందోళన వ్యక్తం చేస్తున్నారు. ఇది అల్లరి మూకల పనా, లేక వేరే ఏదైనా కోణం ఉండొచ్చా అంటూ పోలీసులు ఆరా తీస్తున్నారు.