T-కాంగ్రెస్‌లో అనూహ్య పరిణామం.. సీనియర్ నేత VH కీలక నిర్ణయం

దిశ, డైనమిక్ బ్యూరో: టీపీసీసీ ప్రెసిడెంట్ రేవంత్ రెడ్డి చేపట్టిన హాథ్ సే హాథ్ జోడో అభియాన్ పాదయాత్ర మంగళవారం భద్రాచలం నియోజకవర్గంలో కొనసాగుతోంది. ఈ పాదయాత్రకు ప్రజల నుంచి మంచి స్పందన లభిస్తోంది. ఈ క్రమంలో రేవంత్ రెడ్డికి అనూహ్య రీతిలో వీహెచ్ నుంచి మద్దతు లభించింది. భారత్ జోడో యాత్ర కొనసాగింపుగా జరుగుతున్న హాథ్ సే హాథ్ జోడో అభియాన్ యాత్రలో రెండు రోజుల పాటు పాల్గొనబోతున్నట్లు మాజీ పీసీసీ అధ్యక్షులు హనుమంతరావు ప్రకటించారు.

రేవంత్ రెడ్డితో కలిసి రెండు రోజులు పాదయాత్ర చేస్తానని మంగళవారం ప్రకటించారు. ఈ రోజు సాయంత్రం భద్రాచలంలో రేవంత్ రెడ్డి, సీఎల్పీ నేత భట్టి విక్రమార్కతో కలిసి పాదయాత్రలో పాల్గొంటానని.. రేపు పాలకుర్తి నియోజకవర్గంలో పాదయాత్రలో పాల్గొంటానని వి.హనుమంతరావు వెల్లడించారు.

ఇవి కూడా చదవండి:     కేసీఆర్ కాంగ్రెస్‌తో కలవక తప్పదు: MP కోమటిరెడ్డి సెన్సేషనల్ కామెంట్స్