Two missing : రొయ్యల వాగు ఉదృతిలో ఇద్దరు గల్లంతు

దిశ, వెబ్ డెస్క్ : ఫెంగల్ తుఫాన్ (Cyclone Fangal) ప్రభావంతో కురుస్తున్న భారీ వర్షాలు ఏపీ జిల్లాలను అతలాకుతలం చేస్తున్నాయి. తిరుపతి సమీపంలో చిట్టమూరు మండలం రొయ్యల వాగు పొంగి పొర్లడం(Royyala vagu Floods)తో పంటపొలాలు, జనావాసాలు వరద ముంపుకు గురయ్యాయి. కొత్తగుంట వద్ద రొయ్యల వాగు వద్ద దాటే క్రమంలో ఇద్దరు(Two missing) గల్లంతయ్యారు. కోట మండలం చెందిన మధు రెడ్డి , షారుక్ లు వాగు దాటే క్రమంలో వరద ఉదృతిలో కొట్టుకుపోయారు. గల్లంతైన ఇద్దరి కోసం చిట్టమురు పోలీసులు రెస్క్యూ ఆపరేషన్ కొనసాగిస్తున్నారు.

అటు చైన్నైలోనూ ఫెంగల్ తుఫాన్ భీభత్సం కొనసాగుతోంది. తిరువణ్ణామలైలో భారీ వర్షాలకు ఇళ్లపై కొండచరియలు విరిగి పడిన ఘటనలో శిథిలాల కింద ఏడుగురు చిక్కుకున్నారు. రెస్క్యూ ఆపరేషన్ చేపట్టిన అధికారులు వారిని రక్షించే ప్రయత్నం చేస్తున్నారు. అధికారులు గ్రామాన్ని ఖాళీ చేయించారు.