బిగ్ అలర్ట్.. ఈఏపీసెట్ రిజల్ట్స్ విడుదలకు ముహూర్తం ఫిక్స్..!

దిశ, తెలంగాణ బ్యూరో: రాష్ట్రంలో ఇంజినీరింగ్, ఫార్మసీ, అగ్రికల్చర్ తదితర కోర్సుల్లో ప్రవేశానికి నిర్వహించిన టీఎస్ ఈఏపీసెట్ పరీక్ష ఫలితాలను విడుదల చేసేందుకు అధికారులు రంగం సిద్ధం చేస్తున్నారు. ఒకట్రెండు రోజుల్లో ఫలితాలు ఇవ్వాలని ఏర్పాట్లు చేస్తున్నారు. ఈఏపీసెట్‌కు మొత్తం 3,54,803 దరఖాస్తులు వచ్చాయి. ఈనెల 7 నుంచి 11వ తేదీ వరకు ఈఏపీసెట్ పరీక్షలు జరిగాయి. ఈనెల 7, 8 తేదీల్లో అగ్రికల్చర్ అండ్ ఫార్మసీ విభాగానికి పరీక్షలు నిర్వహించారు. ఈనెల 9, 10, 11 తేదీల్లో జరిగే ఇంజినీరింగ్ విభాగానికి పరీక్షలు నిర్వహించారు. కాగా వీలైనంత త్వరగా రిజల్ట్స్ ను విడుదల చేసేందుకు అధికారులు రంగం సిద్ధం చేస్తున్నారు.