TGPSC : పాలిటెక్నిక్ లెక్చరర్స్ పోస్టుల భర్తీపై TGPSC బిగ్ అప్డేట్..!
పాలిటెక్నిక్ లెక్చరర్స్ పోస్టుల భర్తీకి తెలంగాణ పబ్లిక్ సర్వీస్ కమిషన్ (TGPSC) కసరత్తు మొదలు పెట్టింది.
దిశ, వెబ్డెస్క్ : పాలిటెక్నిక్ లెక్చరర్స్ పోస్టుల భర్తీకి తెలంగాణ పబ్లిక్ సర్వీస్ కమిషన్ (TGPSC) కసరత్తు మొదలు పెట్టింది. ఈ క్రమంలో.. సెప్టెంబర్ 20 నుంచి సర్టిఫికెట్ వెరిఫికేషన్ మొదలు పెడుతామని TGPSC ఓ ప్రకటనలో తెలిపింది. అయితే సర్టిఫికెట్ వెరిఫికేషన్కు నార్మల్ అభ్యర్థులను 1:2 నిష్పత్తిలో , పీడబ్ల్యూడీ అభ్యర్థులను 1:5 నిష్పత్తిలో పిలిచినట్లు అధికారులు వెల్లడించారు.
కాగా .. సెప్టెంబర్ 20 నుంచి 26వ తేదీ వరకు అర్హత సాధించిన అభ్యర్థుల సర్టిఫికెట్లు వెరిఫికేషన్ చేస్తామని, హైదరాబాద్ నాంపల్లిలోని టీజీపీఎస్సీ కార్యాలయంలో ప్రతి రోజు ఉదయం 10:30 గంటలకు సర్టిఫికెట్ వెరిఫికేషన్ ప్రారంభం కానుందని తెలిపింది. సర్టిఫికెట్ వెరిఫికేషన్కు క్వాలిఫై అయిన అభ్యర్థుల జాబితాను టీజీపీఎస్సీ వెబ్సైట్లో అందుబాటులో ఉంచినట్లు అధికారులు తెలిపారు . క్వాలిఫై అయిన ప్రతి అభ్యర్థి కమిషన్ వెబ్సైట్ నుంచి చెక్ లిస్ట్ను డౌన్లోడ్ చేసుకోవాలని సూచించారు. చెక్ లిస్ట్లో ఉన్న ప్రతి పేపర్ పై గెజిటెడ్ ఆఫీసర్ సంతకం ఉండాలని, తప్పనిసరిగా ఒరిజినల్ సర్టిఫికెట్లు తీసుకురావాలని అభ్యర్థులకు TGPSC అధికారులు సూచించారు.