KTR : రోజుకో చావుతో తెలంగాణ తెల్లారుతోంది : కేటీఆర్

దిశ, వెబ్ డెస్క్ : రోజుకో చావుతో తెలంగాణ(Telangana) తెల్లారుతోందని..కాంగ్రెసోడి కుట్రలకు బలైపోతుందని బీఆర్ఎస్ వర్కింగ్ ప్రెసిడెంట్ కేటీఆర్(KTR) ట్విటర్ వేదికగా ప్రభుత్వంపై విమర్శలు గుప్పించారు. ఆటో డ్రైవర్లు, రైతులు, నేతన్నలు, గురుకుల విద్యార్థుల ఆత్మహత్యలు, లగచర్ల ఘటనలపై కేటీఆర్ స్పందిస్తూ ప్రభుత్వంపై విమర్శలు చేశారు. రాజ్యహింసతో నిత్యం తల్లడిల్లుతోందని, గాయాలతో గోడుగోడునా విలపిస్తోందని, రైతు రారాజుగా బ్రతికిన తెలంగాణలో అన్నదాతల ఆత్మహత్యలు నిత్యకృత్యమాయోనని మండిపడ్డారు.

ఉపాధికి చిరునామాగా మారిన రాష్ట్రంలో..జీవనోపాధి కరువై బడుగులు బలిపీఠం ఎక్కవట్టేనని, ఇది ఎవడు చేసిన పాపమని ప్రశ్నించారు. ముమ్మాటికీ మార్పు తీసుకొచ్చిన శాపం ఇదని కాంగ్రెస్ ప్రభుత్వ పాలనను దుయ్యబట్టారు.