తెలంగాణ సర్కార్ గుడ్ న్యూస్.. ప్రవేశాల్లో వారికి 5 శాతం రిజర్వేషన్లు

దిశ, డైనమిక్ బ్యూరో: ప్రభుత్వ, ఎయిడెడ్ విద్యాసంస్థల్లో ప్రవేశాల్లో దివ్యాంగులకు 5 శాతం రిజర్వేషన్లు అమలు చేయాలని ప్రభుత్వం నిర్ణయం తీసుకుంది. ఈ మేరకు దివ్యాంగుల సంక్షేమ శాఖ కార్యదర్శి వాకాటి కరుణ ఉన్నత విద్యాశాఖకు ఉత్తర్వులు జారీ చేశారు. అలాగే ప్రవేశాల్లో దివ్యాంగులకు గరిష్ఠ వయోపరిమితిలో 5 ఏళ్లు సడలింపు ఇవ్వాలని స్పష్టంచేశారు.