ప్రవళిక ఆత్మహత్య కేసులో ట్విస్ట్.. నిందితుడు శివరామ్ సోదరుడు కీలక వ్యాఖ్యలు

దిశ, డైనమిక్ బ్యూరో: రాజకీయ దుమారం లేపిన గ్రూప్ 2 అభ్యర్థి ప్రవళిక ఆత్మహత్య కేసులో నిందితుడు శివరాం రాథోడ్‌ను పోలీసుల అదుపులోకి తీసుకున్న సంగతి తెలిసిందే. ఇవాళ శివరామ్‌ను వైద్య పరీక్షల నిమిత్తం గాంధీ ఆసుపత్రికి తరలించారు. వైద్య పరీక్షల తర్వాత కోర్టులో శివరామ్‌ను హాజరుపరిచే అవకాశం కన్పిస్తోంది. ఈ సందర్భంగా శివారామ్ కుటుంబసభ్యులు కన్నీరుమున్నీరు అవుతున్నారు. శివరామ్ సోదరుడు మునిరామ్ మీడియాతో మాట్లాడుతూ.. ప్రవళిక ఆత్మహత్య కేసులో మా అన్నయ్యకు సంబంధం లేదన్నాడు. పోలీసుల వేధింపులు అధికమయ్యాయని ఆరోపించారు. ఈ కేసును పోలీసులు తారుమారు చేస్తున్నారని వెల్లడించారు.