Accident:రెండు వాహనాలు ఢీ..పలువురికి గాయాలు

దిశ,భైంసా:నిర్మల్ జిల్లా భైంసా మండలంలోని తిమ్మాపూర్ గ్రామ సమీపానగల జాతీయ రహదారిపై గురువారం వేకువజామున రోడ్డు ప్రమాదం సంభవించింది. రెండు ఐషర్ వాహనాలు ఎదురెదురుగా వచ్చి ఢీకొనగా నలుగురుకి తీవ్ర గాయాలయ్యాయి. ఒకటి బైంసా నుండి నిర్మల్ వెళ్తున్న మద్యం వాహనం కాగా,మరొకటి కరీంనగర్ నుంచి మహారాష్ట్ర కి వెళ్తున్న మామిడి పండ్ల లోడ్ తో నిండిన వాహనం. క్షతగాత్రులను వెంటనే ఆసుపత్రికి తరలింపు చేశారు. సంఘటన స్థలానికి పోలీసులు చేరుకున్నారు. మద్యంతో నిండిన వాహనాలలో దాదాపు పది లక్షల విలువ చేసే మద్యం ఉన్నట్లు తెలిసింది.