Brutal Murder: కామారెడ్డి జిల్లాలో దారుణం.. తండ్రిని కడతేర్చిన కొడుకు

దిశ, వెబ్‌డెస్క్: కన్నతండ్రినే కొడుకు అంతమొందించిన విషాద ఘటన కామారెడ్డి జిల్లా (Kamareddy District)లో గురువారం రాత్రి చోటుచేసుకుంది. వివరాల్లోకి వెళితే.. నస్రుల్లాబాద్ (Nasrullabad) మండల పరిధిలోని నెమ్లీ (Nemli) గ్రామంలో సాయబోయి (55) కుటుంబం నివాసం ఉంటుంది. ఈ క్రమంలో గురువారం రాత్రి కుమారుడు హన్మాండ్లు‌తో, సాయబోయికి మధ్య స్వల్ప వివాదం జరిగింది. అయితే, ఆ గొడవ కాస్త తీవ్ర వాగ్వాదానికి దారి తీసింది. అప్పటికే మద్యం మత్తులో ఉన్న హన్మాండ్లు తీవ్ర ఆవేశానికి లోనై తండ్రి సాయబోయిని కర్రతో బలంగా కొట్టాడు. దీంతో తీవ్రంగా గాయపడిన అతడు అక్కడికక్కడే ప్రాణాలు విడిచాడు. ఈ ఘటనకు సంబంధించి పూర్తి వివరాలు తెలియాల్సి ఉంది.