చంద్రబాబు గెలవడానికి అదొక్కటే కారణం.. KCR సంచలన వ్యాఖ్యలు

దిశ, వెబ్‌డెస్క్: బీఆర్ఎస్(BRS) పార్టీ అధినేత, తెలంగాణ మాజీ ముఖ్యమంత్రి కేసీఆర్(KCR) సంచలన వ్యాఖ్యలు చేశారు. శనివారం ఎర్రవెల్లి ఫామ్‌హౌజ్‌లో మీడియాతో మాట్లాడారు. రాష్ట్రంలో మళ్లీ బీఆర్ఎస్ పార్టీనే అధికారంలోకి వస్తుందని ధీమా వ్యక్తం చేశారు. సింగిల్‌గానే పోటీ చేస్తాం.. సింగిల్‌గానే గెలిచి అధికారంలోకి వస్తామని కీలక వ్యాఖ్యలు చేశారు. బెల్లం ఉన్న దగ్గర ఈగలు వస్తాయి.. అధికారం కోసం కొందరు కండువాలు మార్చడం కామన్ అని పరోక్షంగా అన్నారు. సిరిసంపదలు ఉన్న తెలంగాణను దోచుకోవడానికి కొందరు సిద్ధంగా ఉన్నారని కీలక ఆరోపణలు చేశారు. బీఆర్ఎస్ అధికారంలో ఉన్న పదేళ్ల పాటు ప్రజలు సంతోషంగా ఉన్నారు.. ఎలాంటి ఇబ్బందులు లేకుండా ప్రశాంతంగా గడిపారు..

కాంగ్రెస్(Congress) ఇచ్చిన హామీలను నమ్మి మోసపోయారని అన్నారు. దీంతో మరోసారి తెలంగాణ సమస్యల వలయంలో చిక్కుకుందని తెలిపారు. తెలంగాణ కోసం ఎప్పటికైనా పోరాటం చేసేది బీఆర్ఎస్ పార్టీ మాత్రమే అని అన్నారు. ఏపీలో పొత్తు లేకుంటే చంద్రబాబు గెలిచే వారు కాదని హాట్ కామెంట్స్ చేశారు. ఈ నేలపై ఎవరూ శాశ్వతం కాదని.. ఒక్కొక్కరు ఒక్కో కేసీఆర్ అయితే మళ్లీ మనదే అధికారం అని చెప్పారు. తెలంగాణ హక్కుల కోసం మరోసారి పోరాటం చేయాలని బీఆర్ఎస్ శ్రేణులకు పిలుపునిచ్చారు. అధికారంలోకి వచ్చి 14 నెలలు గడుస్తున్నా.. ఇచ్చిన హామీలను కాంగ్రెస్ ప్రభుత్వం అమలు చేయలేకపోతోందని విమర్శించారు.