Sama Rammohan: నీ సైకో చేష్టలతో ప్రతిపక్షంలోకి..కేటీఆర్ పై సామ రామ్మోహన్ రెడ్డి

దిశ, డైనమిక్ బ్యూరో: తెలంగాణలోకి అదానీ రాకుండా తాము రెడ్ సిగ్నల్ ఇస్తే రేవంత్ రెడ్డి ప్రభుత్వం రెడ్ కార్పెట్ పరుస్తుందంటూ బీఆర్ఎస్ వర్కింగ్ ప్రెసిడెంట్ కేటీఆర్ (KTR) చేసిన విమర్శలకు టీపీసీసీ మీడియా కమిటీ చైర్మన్ సామ రామ్మోహన్ రెడ్డి (Sama Rammohan Reddy) కౌంటర్ ఇచ్చారు. ‘మిస్టర్ సైకో రాం..నీ సైకో చేష్టలతో అధికారంలో నుంచి ప్రతిపక్షంలోకి పోయినవ్.. ఇప్పుడు ప్రతిపక్షంలో నుంచి పాగల్ ఖానా కి పోయేటట్టున్నావ్' అని కౌంటర్ వేశారు. బుధవారం ఎక్స్ వేదికగా పోస్టు చేశారు. అదానీని నువ్వు చెప్పినట్టు మీ హయాంలో రాష్ట్రంలోకి రానివ్వకుండా 'రెడ్ లైట్' వేస్తే... మరి మీ గుమాస్తా పేపర్లో నాడు అదానీని (Adani) హైదరాబాద్ తెచ్చింది నువ్వే అని ' హెడ్ లైన్స్ ' ఎందుకు రాపించుకున్నవ్ కటారా??.. నువ్వూ నీ చిల్లర రాజకీయాలు అని విమర్శించారు. ఈ సందర్భంగా బీఆర్ఎస్ హయాంలో అదానీ -ఎల్బిట్ సిస్టమ్ సంయుక్తంగా ఏర్పాటు చేసిన మానవ రహిత విమాన ప్రధాన విడిభాగాల తయారీ ప్లాంట్ కు సంబంధించి ఓ దినపత్రికలో వచ్చిన కథనాన్ని ఆయన షేర్ చేశారు. ఇందులో ఈ ప్రాజెక్టు కేటీఆర్ దావోస్ సమావేశ ఫలితమే అని ప్రచురించారు.