రైతుబంధు అప్పుడే? పొలిటికల్ మైలేజ్ వచ్చేలా సర్కారు ప్లాన్!
ప్రతి వానాకాలం సీజన్‌కు మే చివరి వారంలో రైతుబంధు డబ్బులు అన్నదాతలకు అందేవి.
దిశ, తెలంగాణ బ్యూరో : ప్రతి వానాకాలం సీజన్‌కు మే చివరి వారంలో రైతుబంధు డబ్బులు అన్నదాతలకు అందేవి. కానీ ఈ సారి జూన్ నెల సగం గడిచినా ప్రభుత్వం నుంచి సాయం డబ్బులు అందలేదు. ఇప్పటికే రైతులు విత్తనాలను సేకరించే పనిలో నిమగ్నమవుతున్నారు. రెండు మూడు రోజుల్లో నైరుతి రుతుపవనాలు రాష్ట్రంలోకి ప్రవేశించనున్నాయి. తొలకరి జల్లు పడగానే వ్యవసాయ పనులు మొదలుపెట్టేందుకు అన్నదాతలు రెడీ అవుతున్నారు. కానీ నేటికీ రైతుబంధు డబ్బులు అందకపోవడంతో వాటికోసం ఎదరుచూస్తున్నారు.
జూన్‌లో విడుదల?
అందుబాటులో ఉన్న ఆర్థిక వనరులకు అనుగుణంగా రైతుబంధును ప్రభుత్వం రిలీజ్ చేయడంతో అన్నదాతలకు ఇబ్బందులు ఎదురవుతున్నాయి. సరైన సమయానికి సాయం అందించకపోవడంతో రైతుబంధు పథకం లక్ష్యం నెరవేరడం లేదనే అభిప్రాయాలు వ్యక్తమవుతున్నాయి.
ప్రచారం కోసమే ఆలస్యం!
ఖరీప్ సీజన్ కోసం కావాల్సిన రైతుబంధు నిధులను ఆర్థిక శాఖ రెడీ చేసుకున్నట్టు తెలుస్తున్నది. కానీ వాటిని ఇప్పుడే విడుదల చేయొద్దని ఆ శాఖకు సర్కారు నుంచి ఆదేశాలు అందినట్టు సమాచారం. రాష్ట్రంలో దశాబ్ది ఉత్సవాలు కొనసాగుతున్నాయి. ఈ నెల 22వ తేదీ వరకు ఇవి జరుగుతాయి. ఈ సమయంలో రైతుబంధు నిధులు విడుదల చేస్తే రాజకీయంగా అనుకున్నంత మైలేజీ రాదేమోననే అనుమానం ప్రభుత్వం ఉన్నట్టు తెలుస్తున్నది. అందుకని దశాబ్ది వేడుకలు ముగిసిన తర్వాత రైతుబంధు సాయం కోసం డేట్స్ ఫిక్స్ చేసి, ఆ రోజుల్లో పెద్ద ఎత్తున వేడుకలు నిర్వహించి, నిధులు రిలీజ్ చేయాలని సర్కారు భావిస్తున్నట్టు టాక్.
.Also Read..