దైవ దర్శనానికి వెళ్లి వచ్చేసరికి ఇల్లు గుల్ల

దిశ, యాచారం : దైవదర్శనానికి కుటుంబం మొత్తం వెళ్లగా వచ్చి చూసేసరికి ఇంట్లో దొంగలు, నిలువు దోపిడీ చేసిన ఘటన యాచారం పోలీస్ స్టేషన్ పరిధిలో చోటుచేసుకుంది. సీఐ ఏ నరసింహారావు, తెలిపిన వివరాల ప్రకారం..మండల పరిధిలోని నజ్దిక్ సింగారం, గ్రామానికి చెందిన కడారి వెంకటేష్, శనివారం కుటుంబ సమేతంగా కొమురవెల్లి మల్లన్న జాతరకు వెళ్లారు. సోమవారం తెల్లవారుజామున 4 గంటలకు ఇంటికి చేరుకోగా ఇంటి తలుపులు తెరిచి ఉన్నాయి. అనుమానంతో ఇంట్లోకి వెళ్లి చూడగా బీరువాలోని తులం నర బంగారం, 25 తులాల వెండి నగలు, ఒక మొబైల్ ఫోను, దొంగలు దోచుకుని పోయారు. బాధితుడి ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.