అమ్మో కొండచిలువ.. ఇంట్లోకి వచ్చింది

దిశ, బొంరాస్ పేట్ : - అడవుల్లో ఉండాల్సిన జంతువులు,పాములు, కొండచిలువలు కొన్నిసార్లు గ్రామాల్లోకి,ఇళ్లలోకి చొరబడడం అప్పుడప్పుడు జరుగుతుంటాయి.అదే రీతిలో కొండచిలువ ఓ ఇంట్లోకి ప్రవేశించగా,కుటుంబ సభ్యులు ఆందోళనకు గురైన ఘటన బొంరాస్ పేట్ మండల కేంద్రంలో గురువారం రాత్రి చోటుచేసుకుంది. 3వ వార్డులో నివాసం ఉంటున్న కలాం ఇంట్లోకి కొండచిలువ ప్రవేశించింది.దీంతో కొండచిలువను చూసి కుటుంబ సభ్యులు భయాందోళనకు గురయ్యారు. చుట్టుప్రక్కల వారు వచ్చి కొండచిలువను గడ్డపారతో కొట్టి చంపి, తగలబెట్టారు.దీంతో ఎలాంటి ప్రమాదం జరగలేదు. అయితే చుట్టుపక్కల శిథిలావస్థకు చేరిన ఇండ్లు ఉండటంతో, తరచూ పాములు వస్తున్నాయని,ఇప్పుడు ఏకంగా కొండచిలువ వచ్చిందని ప్రజలు ఆవేదన వ్యక్తం చేశారు.