గంజాయి విక్రయిస్తున్న ఇద్దరు అరెస్ట్​…15 గ్రాముల గంజాయి స్వాధీనం

దిశ, బడంగ్ పేట్​ : గంజాయి విక్రయిస్తున్న ఇద్దరిని బాలాపూర్​ పోలీసులు అదుపులోకి తీసుకుని శుక్రవారం రిమాండ్​ కు తరలించారు. వారి వద్ద నుంచి 15 గ్రాముల గంజాయితో పాటు రెండు సెల్​ఫోన్​లను పోలీసులు స్వాధీనం చేసుకున్నారు. బాలాపూర్​ ఇన్​స్పెక్టర్​ ఎం.సుధాకర్​ తెలిపిన వివరాల ప్రకారం...షక్కర్​ గంజ్​ ప్రాంతానికి చెందిన మొహమ్మద్​ నసీర్​ (38), షాహిన్​ నగర్​కు చెందిన సయ్యద్​ మసూద్​ (28)లు గత కొంత కాలంగా అక్రమంగా గంజాయి వ్యాపారం నిర్వహిస్తున్నారు. విశ్వసనీయ సమాచారం మేరకు మొహమ్మద్​ నసీర్, సయ్యద్​ మసూద్​లు షాహిన్​నగర్​ లో గంజాయి విక్రయించేందుకు ప్రయత్నిస్తుండగా బాలాపూర్​ పోలీసులు రెడ్​ హ్యాండెడ్​గా అదుపులోకి తీసుకున్నారు. వారి వద్ద నుంచి బాలాపూర్​ పోలీసులు 15 గ్రాముల గంజాయితో పాటు రెండు సెల్​ఫోన్​లను స్వాధీనం చేసుకున్నారు. ఈ కేసును బాలాపూర్​ పోలీసులు దర్యాప్తు చేస్తున్నారు.