ఫోర్త్ సిటీపై గ్రామాల్లో రోజు రోజుకు పెరుగుతున్న క్రేజ్​

దిశ, రంగారెడ్డి బ్యూరో: ఆదర్శమైన నగరంగా రూపొందించేందుకు రాష్ట్ర ప్రభుత్వం కంకణం కట్టుకున్నట్లు కనిపిస్తున్నది. పరిమితమైన విస్తీర్ణంలో అభివృద్ధికి ప్రణాళికలు రచిస్తున్నట్లు స్పష్టమవుతున్నది. ఆ అభివృద్ధిని ప్రత్యేక బోర్డుతో సాధ్యమవుతుందని ఎఫ్​సీడీఏ (ఫోర్త్​ సిటీ డెవలప్మెంట్ అథారిటీ)ని ఏర్పాటు చేసింది. ఈ బోర్డుకు చైర్మన్​‌గా ముఖ్యమంత్రి, వైస్​ చైర్మన్‌​గా మున్సిఫల్​ శాఖ, ఇండస్ట్రియల్​ శాఖకు సంబంధించిన మంత్రులు, సభ్యులుగా చీఫ్​ సెక్రటరీ, ఫైనాన్స్​, ఇండస్ట్రియల్​ స్పెషల్​ చీఫ్​ సెక్రటరీలు, మున్సిఫల్​, ఈఎఫ్​ఎస్​టీ శాఖకు సంబంధించిన స్పెషల్​ చీఫ్​ సెక్రటరీ, హెచ్ఎండీఏ కమిషనర్​, టీజీఐఐసీ వైస్​ చైర్మన్​, మేనేజింగ్​ డైరెక్టర్లు, రంగారెడ్డి కలెక్టర్​, డీటీసీపీ హైదరాబాద్​ అధికారులు, మెంబర్​ కన్వీనర్ ​గా ఎఫ్​సీడీఏ కమిషనర్‌​తో కలిపి 12 మందితో ఫ్యూచర్​ సిటీ డెవలప్మెంట్ అథారిటీ ఏర్పాటు చేస్తున్నట్లు ప్రభుత్వం ఉత్తర్వులు జారీ చేసింది. ఈ ఫ్యూచర్​ సిటీతో ప్రాంతాలన్నీ అభివృద్ధి చెందుతాయని సమీప ప్రాంతాల్లోని ప్రజలు నమ్ముతున్నట్లు తెలుస్తున్నది. ఫ్యూచర్​ సిటీకి దగ్గర ఉన్న కొన్ని గ్రామాలను అందులో కలపకపోవడంపై స్థానిక ఎమ్మెల్యేలకు వినతి పత్రాలు సమర్పించి తమ గ్రామాలను కూడా చేర్చాలని కోరుతున్నారు. ఈ గ్రామాలను చేర్చుతారా? లేదా ? అనేది ప్రభుత్వ నిర్ణయంపై ఆధారపడి ఉంటుంది. కానీ ప్రస్తుతం ప్రకటించిన గ్రామాల పరిధికి పరిమితమై అభివృద్ధి చేయనున్నట్లు తెలుస్తోంది.

ఫ్యూచర్​ సిటీ ఏరియా 765.28 చదరపు కి.మీ.లు..

రాష్ట్ర ప్రభుత్వం ఏర్పాటు చేసిన ఫ్యూచర్​ సిటీ ఏరియా 765.28 చదరపు కి.మీ ఉండనున్నట్లు ఉత్తర్వులు జారీ చేసింది. ఈ ఏరియా అంతా రంగారెడ్డి జిల్లాలోనే ఉంది. ఫ్యూచర్​ సిటీకి నాలుగు దిక్కుల హద్దులను నిర్ణయించుకున్నారు. తూర్పున నాగార్జున సాగర్​ రహదారి, పడమర శ్రీశైలం రహదారి.. ఉత్తరం వైపు ఔటర్​ రింగు రోడ్డు, దక్షిణం వైపు రీజినల్​ రింగ్ రోడ్లను హద్దులుగా ప్రభుత్వం నిర్ణయించింది. రంగారెడ్డి జిల్లాలోని ఏడు మండలాలైన కందుకూరు​, మహేశ్వరం, ఇబ్రహీంపట్నం, మంచాల, యాచారం, కడ్తాల్​, అమన్ ​గల్​ లోని 56 గ్రామాలను కలిపి ఫ్యూచర్​ సిటీ డెవలప్​మెంట్ అథారిటీ గా నామకరణం చేశారు. ఇప్పటికే హెచ్ఎండీఏ పరిధిలోనున్న 36 గ్రామాలను తొలగించి ఫ్యూచర్​ సిటీ లో కలుపుతున్నట్లు రాష్ట్ర ప్రభుత్వం ఉత్వర్వులు జారీ చేసింది. ఈ 56 గ్రామాల పరిధిలోని విస్తీర్ణం మొత్తం 765.28 చదరపు కి.మీలు ఉన్నట్లు ఉత్తర్వుల్లో పేర్కొన్నారు.

మిర్ఖాన్​ పేట్‌​లో అథారిటీ కార్యాలయం..

గత ప్రభుత్వం ఏర్పాటు చేయాలనుకున్న ఫార్మాసిటీ ప్రాంతం లక్ష్యంగా అభివృద్ధి చేయాలని ప్రస్తుత ప్రభుత్వం కంకణం కట్టుకున్నట్లు తెలుస్తున్నది. ప్రభుత్వ నిర్ణయాలను బట్టి ఈ ప్రాంతంలో ఫార్మాకు ప్రాధాన్యం లేదని తెలుస్తోంది. కాకపోతే అధికారికంగా ఫార్మాసిటీని రద్దు చేస్తామని చెప్పడం లేదు. ఆ ఫార్మా పేరుతోనే భూములు సేకరించారు. ఒకవేళ ఫార్మా రద్దు చేస్తే ప్రభుత్వం తిరిగి భూములను రైతులకు అప్పగించాల్సి ఉంటుంది. ఈ విషయాలన్నీ ప్రభుత్వం ఆలోచించి లీగల్​ సమస్యలు తలెత్తకుండా జాగ్రత్తగా అడుగులు వేస్తున్నట్లు స్పష్టమవుతున్నది. ఫార్మా కంపెనీలు పెట్టేందుకు ప్రభుత్వం నిరాకరిస్తుంది.

కేవలం ఆ కంపెనీలు మెడికల్​ పరికరాలను, మెడిసిన్​ సరఫరా కోసం గోదాములు ఏర్పాటు చేసుకోవాలని సూచించినట్లు సమాచారం. దీంతో ఈ ప్రాంత ప్రజలకు హాని కలుగని కంపెనీలను మాత్రమే ప్రోత్సహిస్తున్నట్లు అధికారిక వర్గాలు తెలియజేస్తున్నాయి. మాస్టర్​ ప్లాన్​ ప్రకారం జోన్​లుగా విభజించి ఆ ప్రాంతాల అభివృద్ధికి ప్రభుత్వం అడుగులు వేస్తున్నది. ఈ కార్యకలాపాలన్నీ నిర్వహించేందుకు కార్యాలయాన్ని ఏర్పాటు చేయబోతున్నది. త్వరలో మిర్ఖాన్​ పేట్​, బేగరికంచె ప్రాంతంలో ఫ్యూచర్​ సిటీ డెవలప్మెంట్​ అథారిటీ కార్యాలయం ఏర్పాటు చేయనున్నారు.

మా గ్రామాలను కలపండి..

కందుకూర్​, కడ్తాల్​, అమన్​ గల్లు, యాచారం, మహేశ్వరం మండలాల పరిధిలోని కొన్ని గ్రామాలను ఫ్యూచర్​ సిటీలో కలపాలని గ్రామస్తులు డిమాండ్​ చేస్తున్నారు. ఇప్పటికే ఆయా గ్రామాల ప్రజలు కలిసి స్థానిక ఎమ్మెల్యేలకు వినతి పత్రాలు ఇవ్వడం, అధికారులకు విన్నవించారు. ఈ వినతి పత్రాల ఆధారంగా ప్రభుత్వానికి నివేదికలు పంపించారు. కానీ ప్రభుత్వం సరిహద్దుల ఆధారంగానే ఫ్యూచర్​ సిటీకి వ్యూహ రచన చేసినట్లు తెలుస్తున్నది. ఎందుకంటే డిమాండ్లకు అనుగుణంగా గ్రామాలను ఫ్యూచర్​ సిటీలో చేర్చుకుంటూపోతే అర్థముండదనే ఉద్దేశంతో పరిమితమైన పనిచేస్తున్నట్లు కనిపిస్తున్నది. ఫ్యూచర్​ సిటీ రోల్​ మోడల్‌గా ఉండాలి. ప్రస్తుత సిటీల్లో ఇష్టమున్నట్లు నిర్మాణాలు, కంపెనీలు పెట్టినట్లుగా కాకుండా నిబంధనలకు లోబడి అధికారులు, ప్రజలు పనిచేయాల్సి ఉంటుంది. ఎట్టిపరిస్థితిలో ఎవరి ప్రలోభాలకు లొంగకుండా అధికారులు ఇచ్చే అనుమతులు, నిర్మాణాలు చేపట్టే వ్యాపారులు నిబంధనలు ఉల్లంఘించకుండా కట్టుదిట్టమైన అంక్షలతో ఫ్యూచర్​ సిటీని అభివృద్ధికి ప్రభుత్వం నడుం బిగించినట్లు స్పష్టమైపోతున్నది. గ్రామాలను చేర్చే ఉద్దేశం ప్రభుత్వానికి లేదని అర్థమవుతుంది.

ఫ్యూచర్​ సిటీ లోని గ్రామాలు ఇవే...

మండలం ---- గ్రామాలు

అమన్​ గల్ ---- కోనాపూర్​, రామనుంతుల

ఇబ్రహీంపట్నం ---- కంప్పాపహాడ్​, పోచారం, రామ్ ​రెడ్డి గూడ, తూలెకలాన్​, తుర్కగూడ, వెలిమినేడు, ఎర్రకుంట, తడ్లకాల్వ

కడ్తాల్​ ---- చెరికొండపట్టి కల్వకుర్తి, చెరుకొండపట్టి పడకల్​, ఎక్రాజ్​గూడ, కడ్తాల్​, కర్కలపహాడ్​, ముద్విన్​

కందుకూర్​ ---- దాసర్లపల్లి, అన్నోజిగూడ, దెబ్బడగూడ, గూడూర్​, గుమ్మడవెల్లి, కందుకూర్​, కొత్తూర్​, గఫూర్​ నగర్​, లేముర్​, మాదాపూర్​, మీర్ఖాన్పేట్, మహ్మద్ న​నగర్​, ముచ్చర్ల, పంజాగూడ, రాచులూర్​, సర్వరావులపల్లె, తిమ్మాయిపల్లి, తిమ్మాపూర్​

మహేశ్వరం మోహబ్బతినగర్​, తుమ్మలూర్​

మంచాల ---- ఆగపల్లి, నోముల, మల్లికార్జునగూడ, చౌదరిపల్లి, గున్​గల్​, కొత్తపల్లి, కుర్మిద్ధ, మెడిపల్లి, మల్కాజిగూడ, మొగులవంపు, నక్కర్త, నానక్​నగర్​, నందివనపర్తి, నజ్ధిక్ సింగ్​, తక్కెళ్లపల్లి, తాడిపర్తి, తులెకుర్ధు, యాచారం, చింతపట్ల, నల్లవెల్లి

Read More..

LRS: అస్తవ్యస్తంగా LRS దరఖాస్తుల పరిష్కారం.. పట్టించుకోని సర్కార్