కొత్తగూడ ఫాం హౌస్ లో దారుణం..
కొత్త ఫాంహౌస్ లో వృద్ధ దంపతులు దారుణ హత్యకు గురయ్యారు. గుర్తు తెలియని వ్యక్తులు వారిని చంపినట్లు పోలీసులు వెల్లడించారు.
దిశ, వెబ్ డెస్క్: రంగారెడ్డి జిల్లాలో దారుణ ఘటన జరిగింది. కొత్తగూడలో ఉన్న ఫాంహౌస్ లో వృద్ధ దంపతులు హత్యకు గురయ్యారు. కందుకూరు పోలీస్ స్టేషన్ పరిధిలో జరిగిన ఈ హత్యలు స్థానికంగా కలకలం రేపాయి. సమాచారం అందుకున్న పోలీసులు ఘటనా ప్రాంతానికి చేరుకుని కేసు నమోదు చేశారు. మృతులు నాగర్ కర్నూల్ జిల్లా ముష్టిపెళ్లికి చెందిన ఉషయ్య (55), శాంతమ్మ (50)లుగా గుర్తించారు. వృద్ధ దంపతులు కొన్ని రోజులుగా వ్యవసాయక్షేత్రంలో పనిచేసుకుంటూ జీవనం సాగిస్తున్నారని, గుర్తుతెలియని వ్యక్తులు వారిపై దాడి చేసి.. దారుణంగా హతమార్చారని పోలీసులు తెలిపారు. డాగ్ స్క్వాడ్, క్లూస్ టీమ్ స్పాట్ కు చేరుకుని ఆధారాలు సేకరిస్తున్నాయి. మృతదేహాలను పోస్టుమార్టం నిమిత్తం ప్రభుత్వ ఆస్పత్రికి తరలించారు.