దిశ ఎఫెక్ట్: బాలాపూర్​ పెద్ద చెరువును సందర్శించిన మంత్రి సబితా ఇంద్రారెడ్డి

దిశ, బడంగ్ పేట్ : బాలాపూర్​పెద్ద చెరువులో అక్రమ కట్టడాలు.. సెలవు రోజు అంతేసంగతిగా రెచ్చిపోయిన కబ్జారాయుళ్లు. పండుగలు, వీకెండ్స్‌లో జోరుగా అక్రమనిర్మాణాలు అనే శీర్షికన దిశ దినపత్రిక ప్రధాన సంచికలో ఈ నెల 17న ప్రచురితమైన కథనానికి రాష్ట్ర విద్యాశాఖ మంత్రి పి.సబితా ఇంద్రారెడ్డి స్పందించారు. బాలాపూర్​పెద్ద చెరువును మంగళవారం మంత్రి సబితా ఇంద్రారెడ్డి సందర్శించారు. ఈ సందర్భంగా మంత్రి మాట్లాడుతూ.. చెరువులు కబ్జాల భారిన పడకుండా సుందరీకరణ పనుల్లో భాగంగా.. పెద్ద చెరువు చుట్టూర వాకింగ్​ట్రాక్​పనులు చేపడుతున్నామన్నారు. బాలాపూర్​పెద్ద చెరువు కబ్జాకు గురి కాకుండా చెరువు చుట్టూర ఫెన్సింగ్ పనులు చేపడుతామన్నారు. ఎఫ్‌టి‌ఎల్‌లో ఎలాంటి అక్రమకట్టడాలు కట్టినా ఉపేక్షించేది లేదని, కబ్జాదారులపై కఠిన చర్యలు తీసుకుంటామని హెచ్చరించారు.