శివరాంపల్లిలో భారీ అగ్ని ప్రమాదం

దిశ, శంషాబాద్ : ఒక్కసారిగా మంటలు చెలరేగి బట్టల షాప్ లో ఉన్న బట్టలు పూర్తిగా దగ్ధమైన ఘటన అత్తాపూర్ పోలీస్ స్టేషన్ పరిధిలోని శివరాంపల్లిలో చోటుచేసుకుంది. బుధవారం రంగారెడ్డి జిల్లా రాజేంద్రనగర్ మండలం శివరాం పల్లిలోని శ్రీలక్ష్మి క్లాత్ టెక్స్టైల్ బట్టల షాపులో చెలరేగిన మంటలు, పొగకు చుట్టుపక్కల ప్రాంతాలన్నీ దట్టంగా పొగలు అలుముకోవడంతో స్థానికులంతా ఉక్కిరిబిక్కిరి గురయ్యారు. తీవ్ర భయాందోళన గురై పరుగులు తీశారు. స్థానికులు అగ్నిమాపక సిబ్బందికి సమాచారం ఇవ్వడంతో హుటాహుటిన అగ్నిమాపక సిబ్బంది వచ్చి మంటలను అదుపు చేశారు. అప్పటికే షాప్ లో ఉన్న బట్టలు మొత్తం పూర్తిగా కాలిపోయాయి ఇందులో ఎవరికి ఎలాంటి ప్రాణ నష్టం జరగలేదని, ఆస్తి నష్టం జరిగిందన్నారు. ఈ అగ్ని ప్రమాదం ఎలా జరిగిందని కోణంలో పోలీసులు కేసు నమోదు చేసి దర్యాప్తు చేస్తున్నారు.