సిద్ధాంతి కట్ట మైసమ్మ దేవాలయ త్రిశూలం ధ్వంసం...

దిశ, శంషాబాద్ : హిందూ దేవాలయాలపై వరుస దాడులతో శంషాబాద్ ప్రాంతం ఒక్కసారిగా ఉలిక్కి పడింది. మొన్న ఎయిర్ పోర్ట్ కాలనీ లోని హనుమాన్ దేవాలయం ధ్వంసం మరవక ముందే శుక్రవారం మధ్యాహ్నం శంషాబాద్ మున్సిపాలిటీ పరిధిలో సిద్ధాంతి వద్ద ఉన్న కట్ట మైసమ్మ దేవాలయం ముందు ఉన్న త్రిశూలాన్ని ఓ వ్యక్తి ధ్వంసం చేశాడు. దీంతో అక్కడే ఉన్న భక్తులు, స్థానికులు అతన్ని పట్టుకొని దేహశుద్ధి చేసి పోలీసులకు అప్పగించారు. వరుస ఘటనలు జరుగుతున్నా పోలీసులు మాత్రం ఏమాత్రం పట్టించుకోలేదని, ఇప్పటికైనా పోలీసులు దేవాలయాలపై జరుగుతున్న దాడిని చాలెంజ్ గా తీసుకొని దాడి చేసిన వారిని గుర్తించి కఠిన చర్యలు తీసుకోవాలని డిమాండ్ చేశారు.