హైదరాబాద్‌లో పలు చోట్ల వర్షం

దిశ, వెబ్‌డెస్క్: భారీ ఎండలతో సతమతమవుతున్న నగర వాసులపై వరుణుడు కరుణించారు. అనూహ్యంగా సోమవారం సాయంత్రం నగరంలోని పలుచోట్ల వర్షం పడింది. శేరిలింగంపల్లి, చందానగర్, మియాపూర్‌, హైటెక్‌ సిటీ, గచ్చిబౌలి, రాయదుర్గం ప్రాంతాల్లో వర్షం పడింది. దీంతో ప్రజలు కాస్త ఉపశమంగా ఫీలయ్యారు. మరోవైపు వర్షం కారణంగా ట్రాఫిక్‌కు తీవ్ర అంతరాయం ఏర్పడింది. దీంతో వాహనదారులు తీవ్ర ఇబ్బందులుపడుతున్నారు. గత వారం రోజులుగా వర్షాలు లేక ఉక్కపోతతో ఉక్కిరిబిక్కిరి అవుతున్న ప్రజలకు ఇవాళ కురిసిన వర్షం ఉపశమనం కలిగించింది. ఏకధాటిగా వర్షం కురువడం వల్ల ప్రధాన రహదారులపై నీరు చేరి వాహనదారులు, పాదచారులు తీవ్ర ఇబ్బందులు ఎదుర్కొన్నారు. పలుచోట్ల డ్రైనేజీలు పొంగిపోవడంతో రహదారులపై వరద నీరు ప్రవహించింది.