రాహుల్ గాంధీని బహిష్కరించాలి.. ఎమ్మెల్సీ కవిత సంచలన వ్యాఖ్యలు

దిశ, వెబ్‌డెస్క్: కాంగ్రెస్ అగ్రనేత రాహుల్ గాంధీపై ఎమ్మెల్సీ కవిత ఫైర్ అయ్యారు. రాహుల్ గాంధీ విజయభేరీ సభను ఉద్దేశిస్తూ ఆయనకు విషయ పరిజ్ఞానం లేదన్నారు. బలవంతంగా ప్రజలపై రుద్దబడ్డ నాయకుడు రాహుల్ గాంధీ అని సెటైర్లు వేశారు. రాహుల్ గాంధీని ప్రజలు బహిష్కరించాలని పిలుపునిచ్చారు. రాష్ట్రంలో, దేశంలో బీఆర్ఎస్‌కు ఏ పార్టీతో పొత్తు లేదన్నారు. ఎక్కడైనా తాము బీఆర్ఎస్ పార్టీ తరపున ఒంటరిగానే పోటీలో నిలుస్తామన్నారు. ఎంఐఎం తమకు ఫ్రెండ్లీ పార్టీ అన్నారు. ఇక్కడి నేతలు ఏది రాసిస్తే అదే రాహుల్ చదువుతున్నారని మండిపడ్డారు.