ప్రచారంలో కాంగ్రెస్ జోరు.. ఈ నెలలో మరోసారి తెలంగాణ పర్యటనకు ప్రియాంకగాంధీ

దిశ, వెబ్‌డెస్క్: వచ్చే ఎన్నికల్లో గెలుపు దిశగా అడుగులు వేస్తోన్న కాంగ్రెస్.. ప్రచారంలో మరింత జోరు పెంచాలని చూస్తోంది. ఇటీవల రాహుల్ గాంధీ బస్సు యాత్ర ద్వారా ప్రచారం నిర్వహించగా.. ప్రియాంకగాంధీ కూడా రాష్ట్ర పర్యటనకు వచ్చారు. ములుగు జిల్లాలో జరిగిన బహిరంగ సభలో పాల్గొని ప్రసంగించారు. అనంతరం ఆమె తిరిగి ఢిల్లీకి బయల్దేరారు. అయితే ఈ నెలలో మరోసారి తెలంగాణ పర్యటనకు ప్రియాంకగాంధీ రానున్నారు.

ఈ నెల 31న కొల్లాపూర్ నియోజకవర్గంలో కాంగ్రెస్ భారీ బహిరంగ సభ నిర్వహించేందుకు సిద్దమవుతోంది. ఈ సభలో ప్రియాంకగాంధీ పాల్గొననున్నారు. ఈ సభకు భారీగా జనసమీకరణ చేయాలని కాంగ్రెస్ భావిస్తోంది. లక్షల మంది జనాలను తరలించాలని చూస్తోంది. ఈ సభను గ్రాండ్ సక్సెస్ చేసేందుకు ఇప్పటినుంచే ప్రయత్నాలు చేస్తోంది.