పార్క్ చేసి ఉంచిన బైక్ చోరీ

దిశ ,భిక్కనూరు : ఇంటి ముందు పార్క్ చేసి ఉంచిన బైక్ ను గుర్తు తెలియని దుండగులు చాకచక్యంగా అపహరించుకుపోయిన సంఘటన భిక్కనూరు మండల కేంద్రంలో శుక్రవారం చోటు చేసుకుంది. రాజన్న సిరిసిల్ల జిల్లా ఎల్లారెడ్డిపేటకు చెందిన శ్రావణ్ భిక్కనూరు మండల కేంద్రంలో ఉన్న ఆశీర్వాద్ ఫైనాన్స్ మెనేజర్ గా పనిచేస్తున్నాడు. పట్టణంలోని గాంధీ చౌక్ సమీపంలో ఒక ఇంట్లో అద్దెకు ఉంటున్నాడు. ఎప్పటి మాదిరిగానే ఇంటి ముందు పార్క్ చేసి ఉంచిన ఫ్యాషన్ ప్రో బైక్ ను, గుర్తు తెలియని దుండగులు అపహరించుకుపోయారు. దీంతో బాధితుడు పోలీసులకు ఫిర్యాదు చేశాడు. అయితే గాంధీ చౌక్ లో షాప్ ల వద్ద ఉన్న సిసి ఫుటేజ్ లను పరిశీలించగా..ఈ బైక్ కంటే ముందు,మరో మూడు బైక్ లను చోరీ చేసేందుకు ప్రయత్నించినప్పటికీ అవి స్టార్ట్ కాకపోవడంతో.. అక్కడే వదిలేసి వెళ్లారు. ఎవరు గుర్తుపట్టని విధంగా మాస్కులు వేసుకొని ఈ చోరీకి పాల్పడ్డారు.ఇంటి ముందు పార్క్ చేసి ఉంచిన బైక్ ను గుర్తు తెలియని దుండగులు చాకచక్యంగా అపహరించుకుపోయిన సంఘటన భిక్కనూరు మండల కేంద్రంలో శుక్రవారం చోటు చేసుకుంది.