భారీ వర్షాలతో తెగిన రోడ్లు

దిశ ప్రతినిధి, నిజామాబాద్ : ఉమ్మడి జిల్లా వ్యాప్తంగా రెండు రోజులుగా కురుస్తున్న అతి భారీ వర్షాలు, వరదల కారణంగా రోడ్లు, కల్వర్టులు ధ్వంసం అవుతున్నాయి. ప్రజలకు తీవ్ర ఇబ్బందులు ఎదురవుతున్నాయి. ఎక్కడికి అక్కడ రాకపోకలు స్తంభిస్తున్నాయి. తాజాగా ఆదివారం రాత్రి కమ్మర్పల్లి మండలం కోనాసముందర్ - అమీర్ నగర్ గ్రామాల మధ్య రహదారి అడ్డంగా తెగిపోయింది. దీంతో రెండు గ్రామాల మధ్య రాకపోకలు నిలిచిపోయాయి. ప్రజలు తీవ్ర ఇబ్బందులు ఎదుర్కొంటున్నారు. భారీ వర్షాల కారణంగా కొన్ని గ్రామాల్లో వరి పంటలు నీట మునిగాయి. అధికారులు సహాయక చర్యలు చేపడుతున్నారు.