రాష్ట్ర స్థాయి అమృతలత జీవన సాఫల్య పురస్కరాలు...

దిశ, నిజామాబాద్ సిటీ : సాహిత్య, సామాజిక, కళా, సేవా రంగాలలో అత్యున్నత కృషిని చేస్తున్న వారిని గుర్తించి అపురూప అవార్డులను అందించారు. ఈ కార్యక్రమాన్ని ఆదివారం మామిడిపల్లిలోని అపురూప వేంకటేశ్వరాలయంలో అవార్డుల ప్రదాత డాక్టర్ అమృత లత ఆధ్వర్యంలో ఘనంగా నిర్వహించారు. ఈ సభ రెండు భాగాలుగా నిర్వహించగా ఉదయం సభలో రాష్ట్రస్థాయిలో అందించే డా.అమృతలత జీవన సాఫల్య పురస్కారాల ప్రదానోత్సవం కాగా మధ్యాహ్నం సభలో జిల్లాస్థాయిలో అందించే "అపురూప అవార్డుల" ప్రదానోత్సవంగా నిర్వహించారు.

ఈ కార్యక్రమానికి ముఖ్య అధికార భాషా సంఘం అధ్యక్షులు తెలంగాణ రాష్ట్ర మంత్రి శ్రీదేవి ముఖ్య అతిథిగా, విశిష్ట అతిథిగా అదనపు కలెక్టర్ మేడ్చెల్ మల్కాజ్ గిరి జిల్లా డాక్టర్ ఏనుగు నరసింహ రెడ్డి హాజరై ముందుగా కార్యక్రమాన్ని జ్యోతి ప్రజ్వలన చేసి ప్రారంభించారు. అనంతరం ముఖ్యఅతిథిగా పాల్గొన్న మంత్రి శ్రీదేవి మాట్లాడుతూ వివిధ రంగాల్లో రాణిస్తున్న ప్రతిభా వంతులను ఎంపిక చేస్తూ జిల్లా, రాష్ట్ర స్థాయిలో అవార్డులు అందించడం అభినందనీయం అన్నారు. విశిష్ట అతిథి ఏనుగు నరసింహారెడ్డి మాట్లాడుతూ.. సాహితీ సేవ, కళా రంగాలు మరుగున పడకుండా అమృతలత చేస్తున్న కృషి మరువలేనిదన్నారు. ఇలాంటి కార్యక్రమాల వల్లనే కళ ఇంకా బ్రతికి ఉంటుందని, రాబోయే తరాలకు అందించినవారం అవుతామన్నారు.

రాష్ట్ర అవార్డు గ్రహీతలు వీరే..

అమృతలత జీవనసాఫల్య పురస్కారం 2022 లో ఆచార్య మసన చెన్నప్ప, సన్నపురెడ్డి వెంకట్రామిరెడ్డి లకు అందించగా, 2023 లోసింహప్రసాద్, డా.రాధేయ, దాస్యం సేనాధిపతిలకు అందించారు. ఇక జిల్లాస్థాయి అపురూప అవార్డులు 2021 - కందకుర్తి యాదవరావు, తాళ్ళ లక్ష్మీనారాయణగౌడ్, మేడిచర్ల ప్రభాకర్ రావు, అఖిలాండేశ్వరి లకు, 2022లో చిన్నికృష్ణుడు, ప్రభాదేవి, లలితావర్మ డా.గణపతి అశోకశర్మలకు, 2023లో పొద్దుటూరి మాధవీలత, రచ్చ నరేశ్, డా.బలాష్ట్ మల్లేశ్, కళాగోపాల్ లకు అందించారు.

ఈ అపురూప శుభకార్యక్రమంలో సాహితీవేత్తలు, కళాకారులు, కళాసాహిత్యాభిమానులు, పూర్వ అవార్డు గ్రహీతలు అందరూ పాల్గొన్నారు. ఈ కార్యక్రమంలో కవులు సాహితీవేత్తలు వీపీ చందన్ రావు, నెల్లుట్ల రమాదేవి, డాక్టర్ కాసర్ల నరేష్ రావు, ఘనపురం దేవేంధర్, గంట్యాల ప్రసాద్, డాక్టర్ త్రివేణి, మల్లవరవు చిన్నయ్య, దారం గంగాధర్, మేక రామ స్వామి, కర్క రమేష్, సాయి బాబు, లక్ష్మణ్, మల్లవరవు విజయ తదితరులు పాల్గొన్నారు.