తారిఖ్ అన్సారీకి శుభాకాంక్షలు తెలిపిన మంత్రి వేముల

దిశ, భీమ్‌గల్: తెలంగాణ రాష్ట్ర మైనార్టీస్ కమిషన్ నూతన ఛైర్మన్ తారిఖ్ అన్సారీ శనివారం రాష్ట్ర రోడ్లు భవనాలు శాఖ మంత్రి వేముల ప్రశాంత్ రెడ్డిని మినిస్టర్ క్వార్టర్స్ లోని అధికారిక నివాసంలో మర్యాద పూర్వకంగా కలిశారు. తనకు సహకరించినందుకు ధన్యవాదాలు తెలిపారు. ఈ సందర్భంగా తారిఖ్ అన్సారీకి మంత్రి వేముల పుష్ప గుచ్ఛం అందించి శుభాకాంక్షలు తెలిపారు. స్వీట్ తినిపించి ఆల్ ది బెస్ట్ చెప్పారు. నిజామాబాద్ కు చెందిన తెలంగాణ ఉద్యమ కారుడు, బీఆర్ఎస్ పార్టీ సీనియర్ నాయకుడైన తారిఖ్ అన్సారీని ముఖ్యమంత్రి కేసీఆర్ మైనార్టీ కమిషన్ చైర్మన్ గా నియమించడం పట్ల మంత్రి హర్షం వ్యక్తం చేశారు. కేసీఆర్ కు మంత్రి ప్రత్యేక ధన్యవాదాలు తెలియజేశారు. తారీఖ్ అన్సారీ వెంట ఎమ్మెల్సీ రాజేశ్వర్ రావు కూడా ఉన్నారు.